អ្នកអាចរក្សាសុខភាពមាត់ ក៏ដូចជាធ្វើឱ្យធ្មេញអ្នកសស្អាតបាន ដោយប្រើឱសថធម្មជាតិ។ វិធីមួយដ៏មានប្រសិទ្ធិភាពបំផុត ដោយគ្រាន់តែយកប្រេងដូង ១ស្លាបព្រាបាយខ្ពុរមាត់របស់អ្នករយៈពេលពី ១៥-២០នាទី បន្ទាប់មកដុសធ្មេញរបស់អ្នកដូចតាមធម្មតា លទ្ធផលទទួលបានពិតជានឹកស្មានមិនដល់។ អ្នកក៏អាចប្រើរូបមន្តធម្មជាតិទាំង ៩យ៉ាងទៀត អាចជួយឱ្យធ្មេញអ្នកកាន់តែសឡើង៖
រូបមន្តទី ១ ស្ត្របឺរី និងមេម្សៅធ្វើនំអ្នកត្រូវត្រៀមផ្លែស្រ្តបឺរី និងមេម្សៅធ្វើនំចូលគ្នា។ កិនផ្លែស្ត្របឺរីឱ្យម៉ត់ រួចដាក់ចូលក្នុងមេម្សៅធ្វើនំ ១ស្លាបព្រាកាហ្វេ។ ប្រើវាដុសធ្មេញរបស់អ្នក។ ប្រើវិធីនេះឱ្យបាន ១ដងក្នុង ១សប្តាហ៍។
រូបមន្តទី ២ ទឹកខ្មេះប៉ោម និងមេម្សៅធ្វើនំលាយមេម្សៅធ្វើនំជាមួយទឹកខ្មេះប៉ោមរហូតដល់វាមានលក្ខណៈដូចថ្នាំដុសធ្មេញ។ រួចយកវាដុសធ្មេញរបស់អ្នក។ ប្រើវាម្តងក្នុង ១សប្តាហ៍។
រូបមន្តទី ៣ ប្រេងអូលីវខ្ពុរមាត់អ្នកនឹងប្រេងអូលីវ។ អ្នកអាចប្រើវាជារៀងរាល់ថ្ងៃ។ ប្រសិនបើអ្នកមិនអាចស៊ូទ្រាំនឹងរសជាតិវា អ្នកអាចដាក់កូនបាល់សំឡីជ្រលក់ប្រេងអូលីវ រួចជូតធ្មេញអ្នក។
រូបមន្តទី ៤ សំបកចេកប្រើសំបកចេកជូតធ្មេញរបស់អ្នក។ វាហាក់បីដូចជាចម្លែកបន្តិច តែមានប្រសិទ្ធិភាព។
រូបមន្តទី ៥ ក្រូចឆ្មា និងសំបកក្រូចយកសំបកក្រូចឆ្មា ឬសំបកក្រូចជូតធ្មេញរបស់អ្នក។
រូបមន្តទី ៦ អំបិលលាយថ្នាំដុសធ្មេញដាក់អំបិលបន្តិចលើថ្នាំដុសធ្មេញអ្នក មុនពេលដុសធ្មេញ។ វានឹងធ្វើឱ្យធ្មេញអ្នកកាន់តែសជាងមុន។
រូបមន្តទី ៧ ញ៉ាំផ្លែប៉ោមទទួលទានផ្លែប៉ោមជារៀងរាល់ថ្ងៃ ព្រោះផ្លែប៉ោមមានប្រសិទ្ធិភាពជួយសម្អាតធ្មេញ។
រូបមន្តទី ៨ កាហ្វេទឹកដោះគោ ឬតែទឹកដោះគោដាក់ទឹកដោះគោចូលទៅក្នុងកាហ្វេ និងតែរបស់អ្នក។ ក្រៅពីទឹកដោះគោផ្ទុកសារធាតុកាល់ស្យូម តែទឹកដោះគោក៏អាចជួយកម្ចាត់ស្នាមប្រឡាក់លើធ្មេញផងដែរ។
រូបមន្តទី ៩ កាត់បន្ថយការទទួលទានកាហ្វេ និងស្ករសកាត់បន្ថយការទទួលទានកាហ្វេ និងតែ ក៏ដូចជាភេសជ្ជៈប៉ូវកម្លាំងដែលមានផ្ទុកជាតិស្ករច្រើន ព្រោះវានឹងប៉ះពាល់ដល់ធ្មេញ៕
Copyright © Camregion 2022. All right reserved.
